Şərq ilə Qərbin qovuşduğu coğrafi ərazidə yerləşən Azərbaycanın paytaxtı Bakı özünəməxsus memarlığı ilə fərqlənir. Paytaxtın simasına xüsusi yaraşıq verən yeni memarlıq nümunələrinin inşası Bakını daha da gözəlləşdirir. Bunlardan biri də “Alov qüllələri” kompleksidir.
“Alov qüllələri” üç çoxmərtəbəli binalardan ibarət kompleksdir. Bura yataqxanalar, mənzillər və ofislər daxildir. Tikilinin ümumi sahəsi 235 min kv.metrdir. Binanın tikilişinə 2007-ci ilin oktyabr ayından başlanmışdı və bu işi Azərbaycan-Türk kompaniyası “DİA Holding” yerinə yetirmişdir. Binaların tikintisinin başa çatdırılması 2010-cu ilə planlaşdırılırdı. Amma əlverişsiz hava şəraitinə görə bu vaxt 2012-ci ilə qədər uzadıldı və məlumata görə 2013-cü ildə inşası başa çatmışdır. Əcnəbilərə Bakını tanıtmaq üçün ən yaxşı simvollardan biri Alov Qüllələridir.
“Alov qüllələri” kompleksi— Bakı şəhərinin ən hündür binasıdır – hündürlüyü 190 metrdir. Tikiliş üçün 400 milyon ABŞ dolları xərclənib. Bu möhtəşəm kompleks hazırda dünyanıın ən gözəl müasir memarlıq incilərindən sayılır. Xarici görünüşü ilə bu tikinti alov dillərini xatırladırlar və üç çoxmərtəbəli binalardan ibarətdir. Bura yataqxanalar, mənzillər və ofislər daxildir.
Skyscrapercity.com (urbanistika haqqında nüfüzlu forum) saytının keçirdiyi sorğuya görə “Alov Qüllələri” işıqlandırılma üzrə birinci yeri tutur. Üstündə animasiyon mənzərə vermək üçün binalar bütövlüklə ekranlarla örtürülüb. Binanın tikilməsi “Build it Bigger” verlişində göstərilmişdi, bu verliş “Discovery Channel”də və “Science Channel”də yayımlanır.
I qüllə-39 mərtəbədən, II qüllə-37 mərtəbədən, III qüllə-34 mərtəbədən ibarətdir. Alov qüllələri 2013-cü ildə Avropanın daşınmaz əmlak bazarında ən iri innovasiya layihəsi olan MIPIM 2013 müsabiqəsinin “Ən yaxşı otel və turizm mərkəzi” nominasiyasının qalibi elan edilib.
Təsadüfi deyil ki, Alov qüllələri Bakının istənilən qonağını öz qeyri-adiliyi, gözəlliyi və möhtəşəmliyi ilə valeh edir. O, son illərin Bakısının əsl vizit kartına çevrilib.
Hər hansı sual və istəyiniz olarsa, göstərilən telefon nömrələri ilə əlaqə saxlaya bilərsiniz.
Tel: +994-12-3100482 Mob / WP: +994-99-8824921 Sosial şəbəkədə ünvanlarımız: 
