İngiltərə – Böyük Britaniya krallığına daxil olan tarixi və inzibati ərazi, Böyük Britaniya adasının cənub hissəsində yerləşir. Paytaxtı Londondur. Kralları III Çarlzdır. Rəsmi dili ingilis dilidir. Əsas əhalisi ingilislərdir.
İngiltərə tarixinin ən qədim abidələrindən sayılan Stounhencidir. Alimlərin fikrinə görə, bu abidə günəş şüasının düşmə dərəcəsini ölçür.
Futbolun beşiyi sayılan İngiltərə eyni zamanda dünyanın ən qədim liqasına ev sahibliyi edir. 1872-ci ildə Qlazqoda futbol üzrə ilk beynəlxalq görüş keçirilmişdir və bu zaman Şotlandiya milli futbol komandası və İngiltərə milli futbol komandası qarşılaşmışdı. Atletizm, reqbi, avarçəkmə, velosiped, kriket ən müvəffəqiyyətli idmanlarıdır.
Hər il 25 milyona yaxın turistin ziyarət etdiyi İngiltərəyə son illərdə Azərbaycandan səyahət edən turistlərin sayı dayanmadan artmaqdadır. Öz tarixi və mədəni irsi ilə diqqət cəlb edən bu ölkə həm də dünyanın ən böyük və inkişaf etmiş mərkəzlərindən biri olan Londona sahibdir.
Bəzən turistlər bir ölkəyə səfər etməzdən qabaq orada haranı ziyarət edəcəklərini yaxşı götür-qoy etmirlər və nəticədə bəzi diqqətəlayiq məkanları görmədən səfərlərini başa vururlar. Odur ki, yad əcnəbi ölkəyə səfər etməzdən əvvəl gəzinti ünvanlarını müəyyənləşdirmək vacibdir.
İngiltərənin gəzməli yerləri:
London
İngiltərənin səyahət üçün ən maraqlı şəhəri paytaxt Londondur. Xarici turistlərin sayına görə London dünyanın ən çox ziyarət edilən şəhərlərindən biridir. Buraya səfər edən turistlərin ən çox görmək istədikləri məkanlardan biri Biq Bendir. Parlamentin yerləşdiyi Vestminister sarayının bir hissəsi olan Big Ben zəngli saat qülləsidir. O, həm də Britaniyanın fəxri və rəmzi sayılır.
- Bukingem sarayı- Britaniya monarxlarının rəsmi London iqamətgahıdır. Monarx sarayda olarkən onun damında kral bayrağı dalğalanır.
- Britaniya muzeyi- insanların tarix və mədəniyyətinə həsr olunmuş muzeyidir. Muzeydə insan mədəniyyətinin yaranışdan müasir dövrə qədər tarixi özündə əks etdirən dünyanın bütün qitələrindən gətirilmiş 8 milyondan çox nümunə toplanıb.
- London Ay- Böyük Britaniyanın ən məşhur turist məkanlarından biridir. Hündürlüyü 135 metr olan attraksion Avropanın ən yüksək fırlanan əyləncə çarxıdır.
- Londonun mərkəzində yerləşən ən böyük parklara “Hayd park, Kensington bağları və Ricents Park” daxildir. Dünyanın ən böyük elmi zooparkı olan London Zooparkı Ricents parkda yerləşir. Mərkəzi Londonun yaxınlığında yerləşən daha kiçik Ceyms və Qrin parkları da füsunkar görünüşə malikdirlər.
- Viktoriya və Albert muzeyi – tətbiqi-sənət nümunələri baxımından dünyanın ən zəngin muzeyi sayılır.
- Madam Tüsso- dünyanın ən məşhur şəxslərinin – dünya ulduzları, siyasətçilərin mum heykəllərindən ibarət muzeyidir.
- Leyk Distrikt (ing. “Lake District”)- şimal-qərbi İngiltərədə yerləşən milli parkdır. Bura özünün füsunkar və valehedici təbiəti ilə zəngin gölləri, meşələri və dağları ilə məşhurdur.
- Alton qalaları- Staffordşirdə yerləşən kurort və parkdır və bir növ İngiltərənin “Disneylend”didir.
- Çester zooparkı- Avropanın ən qabaqcıl zooparklarından biridir.
- Bat (ing. “Bath”) – Cənubi-qərbi İngiltərədə Somerset vilayətində yerləşən şəhər İngiltərənin ən mühüm turizm mərkəzlərindən biridir.
Hər hansı sual və istəyiniz olarsa, göstərilən telefon nömrələri ilə əlaqə saxlaya bilərsiniz.
Tel: +994-12-3100482 Mob / WP: +994-99-8824921 Sosial şəbəkədə ünvanlarımız: 
